Wennd Fraueriege wött go reise go…

 

 

Denn sind immer alli froh –

 

 

Wohii - da hämmer a de letschte HV debattiert

 

 

D Agnes hät üs übers Ziel s Schloss Wildegg informiert.

 

 

Sunntig morge am 5 ab achti –

 

 

Sind alli parat gsi

 

 

Wie immer uf Wil mit de ÖV –

 

 

Döt hämmer d Priska troffe au.

 

 

Im Zug isch perfekt reserviert gsi…

 

 

Mit Name und so -Da hät üs stuune loo  ä chli….

 

 

Z Lenzburg häts en Zwüschehalt geh….

 

 

Zum imene Resturant de obligati Kafi iizneh…

 

 

S schöni Städtli u d Altstadt hät üs imponiert

 

 

Moderni Architektur bim Stadttor hämmer gstudiert..

 

 

En Bluemelade hät au no offe gha

 

 

Da hämmer üs nöd entgoh la

 

 

Zum chlii go luege und stuune –

 

 

Ob de schöne und spezielle Dekoratione…

 

 

 

 

Nach de Stärkig  isch s losgange

 

 

Uf en Spaziergang de Natur entlang

 

 

Leider händ d Wolke d Sunne versteckt

 

 

Do hämmer üsi Köpf halt mit em Schirm abdeckt…

 

De Petrus häts nöd so guet gmeint mit üs

 

 

S hät fasch de ganz Tag regnet - nöd bloss uf d Füess

 

 

Aber mir sind nöd nume dur d Natur gloffe

 

 

Mir händ au Wohnquartier und Umleitige aatroffe…

 

 

Frischi Fiige sind ghanget amene Baum

 

 

D Präsidentin hät sich erfüllt de süessi Traum.

 

 

 

 

Aso nei da macht me nöd - 

 

wenns furt chönd tönds amel chli blöd.....

 

Trotzdem fein isch sie gsi - 

 

me weiss jo nöd öbs em Eigentümer nu zur Zier sind gsii....

 

Im Gasthof zum Bären in Möriken Wildegg

 

hät mer üs empfange ganz nett 

 

De Hunger gstillt - fein isch es gsiii

 

Natürli hämmer au aagstosse mitemene Gläsli Wiii 

 

De Verdauigsmarsch isch au iiplanet gsi

 

Zum Schloss Wildegg isch s ufegange nochlii.... 

 

Dobe aachoh häts überall Ständ gha 

 

De Tulpezwiebelmarkt isch gsii daaa

 

Gelbi, wiissi, rosaroti - gfüllti und klassischi

 

me hät fasch nöd gwüsst uf wa mer sich söll lo iii-

 

De Knobli händs au grad mitverkauft

 

me wött jo nöd dass die Bluemepracht dur d Müüs im Sand verlauft....

 

Im schöne Schlosscafé 

 

häts Dessert u Kafi gee - juhee 

 

Uf e Schlossfüehrig händ glaub alli verzichtet

 

d Gschicht vo de ehemalige Adlige uf ere visuelle Schau doch no gsichtet

 

mer sind üs fast chli iigsperrt vorchoh i sebem Ruum

 

aber Angst vor dene Gstalte hämmer gha chuum... 

 

Es isch denn nöd lang gange

 

 

Hämmer mit Schnäpsli trinke aagfange

 

Lustig hämmers gha

 

bis üs wieder händ uselo... 

 

In historische Schlossgarte hät mer üs au aatroffe

 

wommer sind chli go umelaufe

 

De Heiweg mit em Zug 

 

isch vergange wie im Flug - 

 

De Appezeller hät üs immer no begleitet

 

und chli meh als susch zum Lache verleitet...

 

Danke für d Organisation Agnes -schö isch gsi

 

s nöchst Mol gömmer zwei Täg - do simmer au wieder debii. 

 

die Präsidentin